LLENGUA
L’Assemblada Occitana saluda l’integracion de l’occitan au Traductor de Google!
Dempuei lo dijòus 27 de junh, l’aplicacion en linha a apondut 110 novèlas lengas dont de las lengas minorizadas, dichas «regionalas». Entre aquelas figura tanben lo breton. Lo basco e lo còrs i èran ja.
L’integracion de l’occitan, quitament se nos pareis tardiva, testimònia de l’importància dau seu usatge sus Internet. D’efiech, lo pòrtaparaula francés de Google, Constantin Foniadakis, expliquèt que la seleccion de las lengas se faguèt segon tres critèris:
- Lo nombre de demandas recebudas per la presa en charja de la lenga.
- Lo nombre de locutors d’aquela lenga.
- La quantitat de donadas disponiblas per formar l’intelligéncia artificiala que poirà faire aquelas traduccions.
Gràcias au trabalh de mantes benevòls, l’occitan es fòrça present sus Internet, especialament dins Wikipèdia e mantas aplicacions divèrsas (WordPress, Windows…).
Tot saludant aqueste grand progrès, aura chau melhorar la qualitat de l’occitan traduch: i chau garentir una gramatica autentica, la disponibilitat daus sèt dialèctes e la nòrma dau Conselh de la Lenga Occitana (CLO).
L’occitan si que deviá èstre representat dins lo Traductor de Google! Quò es una avançada crana!
ENLLAÇ NOTÍCIA :
https://unilateral.cat/2024/07/06/loccitan-integrat-au-traductor-de-google/
Cap comentari :
Publica un comentari a l'entrada